Almennur fróðleikur

Verið velkomin á fróðleikssvæði M5. Þessi hluti vefsins er ætlaður til fróðleiks fyrir námsmenn, fjárfesta og aðra sem áhuga hafa á fjármálum. Vítt er farið um völl í fróðleiksmolum. Fjallað er um helstu markaði hérlendis og erlendis og gert stuttlega grein fyrir því hvernig þeir starfa, sögu þeirra og öðru sem þá kann að varða.

Saga verðbréfaviðskipta

Stuttlega er hlaupið í gegnum sögu verðbréfaviðskipta hérlendis í ágripi sem er að finna hér til vinstri. Ekki farið djúpt í viðskiptasögu ákveðinna félaga, verðþróun eða annað heldur leitast við að hafa alla umfjöllun almenna og aðgengilega. Notast er við heimildir frá Kauphöll Íslands, markaðsaðilum, fjölmiðlum og vefsvæðum er varða verðbréfaviðskipti.

Skilgreiningar

Mikil vinna hefur verið lögð í ritun skilgreininga á yfir 200 mikilvægum hugtökum í fjármálum sem hver fjárfestir þarf að hafa á hreinu. Skilgreiningar varða m.a. yfirhlutabréf, skuldabréf og gjaldeyri ásamt því sem vikið er að helstu atriðum í uppgjörum fyrirtækja og fréttum af fjármálamarkaði. Leitast er við að gefa dæmi með flóknari skilgreiningum og almennt orðalag notað til skýringa. Af því má ljóst vera að safnið gagnast jafnt námsfólki og atvinnumönnum. Notast var við erlendar kennslubækur í fjármálafræðum, skilgreiningar opinberra aðila, aðstoð meistaranema í fjármálafræðum og fleiri heimildir við vinnslu skilgreininganna.

Erlendar kauphallir

Hér er að finna lista yfir erlendar Kauphallir og tilvísanir í vefsíður þeirra. Athygli vekur þó að lönd sem búið hafa við mjög óstöðugt stjórnarfar eða mikla og alvarlega óstjórn í efnahagsmálum eru í flestum tilvikum með óvirkar heimasíður. Verðbólga í viðkomandi löndum er stundum yfir 1000% á ársgrundvelli og verðbréfamarkaður hruninn að mestu. Dæmi um slíkt land er Simbabve. Vísað er í senn á vefi kauphallanna sjálfra og aðila er þeim tengjast, svo sem opinberra eftirlitsaðila og annarra.